Hum se kya bhool huyi : MP CM Shivraj Singh Chauhan

Madhya Pardesh (MP) ke Ex-CM Shivraj Singh Chauhan ne khamoshi se ek sawal puchha hai ke "Hum se kya bhool huyi"? Shivraj Singh Chauhan ek aise strong insan ka naam hai jis ne Madhya Pardesh ki taqdeer ko badal diya. Kabhi Madhya Pardesh ek Bimaru rajya ke naam se jana jata tha usi Madhya Pardesh ko Shivraj Singh Chauhan ne Bharat ka No.1 rajya bna diya.

Aaj Shivraj Singh Chauhan apna tyag patr governor ko sonp denge. bahut dukh ki baat hai ke Madhya Pradesh ki janta ne unhe aage kaam karne ka moqa nahi diya. Lekin Shivraj Singh Chauhan ki khamoshi me ek taklif hai shayed Madhya pradesh ki janta bahut khush hai isliye unki khamoshi nahi samajh paa rahi hai. Madhya Pardesh walon kya bhool gye ho whi kamalnath hain jis ne Madhya Pardesh ko ek Bimaru rajya bnaya tha?

Shivraj Singh Chauhan -Hum se kya bhool huyi

Ex CM of Madhya Pradesh Shivraj Singh Chauhan

Madhya Pradesh CM Shivraj Singh Chauhan se kya galti huyi?

Actually Madhya Pradesh CM Shivraj Singh Chauhan se koyi galti nahi huyi hai.waise Madhya Pradesh ki janta to bahut samajhdar hai lekin mujhe abhi tak ye samajh me nahi arha hai ke itni badi galti kaise kar gyi?

Shivraj Singh Chauhan ne ek Bimaru rajya ko Bharat ka No.1 clean city bna diya, Madhya Pradesh Bharat ka ek aisa state ban city ban jayega jahan log dusre state se aa kar rahna pasand karenge. Education ka level itna high ho jayega ke dusre state se log yhna padhne ayenge. Hospital ki achhi suvidha hogi jisse bachon ke death rate bahut km ho jayegi shayed 85% se km ho ke 33% ho jayegi.

Farmers ki income 75% tak badh jayegi,Madhya Pradesh jo hmesha dry ghosit kiya jata tha uski taraqqi day by day badhti jayegi. aaj Madhya Pradesh me two and a half million hectares kheti ke zameen ko sinchayi krne yogya bnaya gya hai. jo congress ke government se teen gunna jyada hai. Ab Madhya Pradesh me kaafi land me kheti ka kaam hone lga hai.

Jab Chattigarh alag hua tha tab electricity ki halat bahut kharab thi aaj 24hr electricity Madhya Pradesh ke public ko milti hai. Road ki suvidha kaafi achhi hogyi hai jo kisi dusre state ke muqable bahut achhi hai. Shivraj Singh Chauhan ne Madhya Pradesh ko 80,000Km road ki ek achhi network bnayi jo state ki ek bahut badi kamyabi kahi ja skti hai. Cultivation ke liye 20% land area ko badhaya jisse Madhya Pradesh gehun (Wheat) ki fasal paida karne me Bharat me asthan rakhta hai.  Kya yhi galti hai Madhya Pradesh CM Shivraj Singh Chauhan ki??

Shivraj Singh Chauhan ke haar ki wajeh kya hai?

Ye Shivraj Singh Chauhan ki haar nahi huyi hai balke Madhya Pradesh ki janta ki haar huyi hai. Janta ko ye kabhi nahi sonchna chahiye tha ke Shivraj Singh Chauhan kis party ke neta hai. Madhya Pradesh ki janta ko sirf apne kaam karne wale CM Shivraj Singh Chauhan ke bare me sonchna chahiye tha.

Shivraj Singh Chauhan haarne wale nahi the lekin unki party BJP ne hara diya. PM Modi ke har roz ek naye wade, BJP kaam ke naam pe zero, note bandi, GST, aur har roz badhti huyi mahangayi. ye sab mil ke Delhi ki sarkaar Shivraj Singh Chauhan ko dooba di. PM Modi ko speech ke siwa koi kaam nahi..jo dil me aya bol diya..Airplane me credit card se saman kharid lete hai, naali ke gas se chai bna lete hai...ye sab bolna Bharat ke PM ko shobha nahi deta hai. Akhir batolebazi kab tak chalegi? kaam bhi to karna padta hai akhir aaj whi kahani sabit huyi ke genhu ke sath sath ghun bhi pis jata hai. Shivraj Singh Chauhan ke sath bhi aisa hi kuch hua hai.

Really Bharat me Madhya Pradesh ek bahut hi pyara state hai,jahan hindu muslim sab mil ke bahut hi pyar mohabbat se rahte hain. Indore jo mini-mumbai bhi kaha jata hai ye sb Shivraj Singh Chauhan ki wajeh se hua hai. Bhopal jo clean aur lake city ke naam se yaad kiya jata hai Bollywood ke liye bahut hi psand kiye jane wala city ban gya hai jahan kyi filmo ki shooting bhi huyi hai.

PM Modi ke sirf wade kiye jana aur abhi tak koi aisa kaam nahi karna jo Bharat ke janta ka dil jeet le aisa nhi hua. Bharat ki janta bahut umeed se Modi ko PM bnaya hai lekin ab koi umeed nazar nahi aarhi hai. Mujhe ek baat samajh me nahi aati ke agar mai achha hun to sirf apni achhayi btani chahiye na ya dusron ko galat bta ke khud ko achha sabit karna jruri hota hai. Kyu BJP ke leaders ki koi bhi baat congress se shuru hoti hai ya Rahul Gandhi se shuru hoti hai, usi trah congress ka koi bhi leader apni baat BJP se hi shuru karta hai. agar itna hi achhe ho to sirf apni baat karo, apne kiye huye kaam ki baat kro. Lekin aisa nahi hota hai.

Shivraj Singh Chauhan hum aap ke sath hai aap ek bahut hi achhe CM rahe aap ko hum hamesha yaad krte rahenge jab bhi aap ke bnaye huye road me speed limit se jyaga car drive krenge. jab bhi electricity jayegi hum aap ko yaad karenge. jab bhi hum jobless honge aap ko yaad karenge. Really aap se koi bhool nahi huyi hai Shivraj Singh Chauhan ji, hum sab se bhool huyi hai. Hmara dil PM Modi se bahut dukhi hai aap usi party ke CM the isliye kahin ka gussa kahin nikal gya hai. see you again as a next CM of Madhya Pradesh. Best of luck Shivraj Singh Chauhan.